7x7 ფეხბურთის ჩემპიონატების 2025 წლის სეზონის დებულება

1.მიზანი

1.1  ჩემპიონატი მიზნად ისახავს:

1.1.1       ფეხბურთის მასობრიობის გაზრდას:

1.1.2       7x7 ფეხბურთის შემდგომ განვითარებას        

1.1.3       7x7 ფეხბურთის პოპულარიზაციას   

1.1.4       ჯანსაღი და სპორტული ცხოვრების წესის დამკვიდრებას;

1.1.5       მზარდი საერთაშორისო ჩემპიონატის ჩამოყალიბებას და   განვითარებას.

2.   მოქმედების სფერო 

2.1   დებულების მოქმედება ვრცელდება ჩემპიონატის ყველა ეტაპზე.

2.2   .წინამდებარე დებულება ვრცელდება შემდეგ პირებზე:  

2.2.1       კლუბებზე / გუნდებზე;

2.2.2       ოფიციალურ წარმომადგენლებზე;  

2.2.3       ფეხბურთელებზე;  

2.2.4       მატჩის ოფიციალურ პირებზე;  

2.2.5       გულშემატკივრებზე / მაყურებლებზე;  

3.   ჩემპიონატის ორგანიზატორი

3.1. ჩემპიონატს ხელმძღვანელობს და ორგანიზებას უწევს  7X7 ფეხბურთის ასოციაცია.

4. ჩემპიონატში მონაწილეობის უფლება

4.1. თბილისის betlive MASTER LEAGUE“ -ის, „betlive MASTER LEAGUE 2“-ის, „betlive MASTER LEAGUE 3“-ის  ჩემპიონატებში მონაწილეობის უფლება აქვთ თბილისის მუნიციპალიტეტის ტერიტორიაზე რეგისტრირებულ სამოყვარულო საფეხბურთო  გუნდებს.

4.1.1 ჩემპიონატებში მონაწილეობის უფლება აქვს ნებისმიერ გუნდს, რომლის შემადგენლობაც დაკომპლექტებულია წინამდებარე დებულების მოთხოვნათა შესაბამისად.

4.2. ჩემპიონატში მონაწილეობის მსურველმა გუნდებმა შფა-ს მიერ დადგენილ ვადებში უნდა წარმოადგინონ შემდეგი სახის დოკუმენტაცია:

4.2.1. თბილისის ჩემპიონატებში მონაწილე გუნდებმა უნდა წარმოადგინონ:  

·       პირველადი განაცხადის შევსებული ფორმა ქაღალდისა და ელექტრონული ვერსია (გუნდის სახელის და სათამაშო ნომრების მითითებით)  - ამასთან გუნდს აუცილებლად უნდა ყავდეს პასუხისმგებელი საკონტაქტო პირი/წარმომადგენელი, რომელიც იმავდროულად არ შეიძლება იყოს მოთამაშე.

·       გუნდის ან/და მისი წარმომადგენლის საბანკო რეკვიზიტი (ამონაწერი)  

·       ორი განსხვავებული ფერის ფორმის ნიმუში, რომელიც ბრენდირებულია ასოციაციის დადგენილი სტანდარტის შესაბამისად (შორტი,  მაისური, გეტრი)წ

·       გუნდის ლოგო (რომელიც გაგზავნილი უნდა იყოს ასოციაციის ელ ფოსტაზე: [email protected] )

·       საწევროს გადახდის ქვითარი.  

·       თბილისის „betlive MASTER LEAGUE“ -ის  საწევრო გადასახადი არის 5500 ლარი (სამივე ლიგაში)

·       გუნდს უფლება აქვს წარმოადგინოს განახლებული განაცხადი არაუგვიანეს ჩემპიონატის დაწყებამდე 10 დღით ადრე.

4.2.2. რეგიონალური (აღმოსავლეთი და დასავლეთი)  „betlive MASTER LEAGUE“-ს მონაწილე გუნდებმა უნდა წარმოადგინონ:

·       განაცხადის შევსებული ფორმა ქაღალდისა და ელექტრონული ვერსია (გუნდის სახელის და სათამაშო ნომრების მითითებით)  - ამასთან გუნდს აუცილებლად უნდა ყავდეს პასუხისმგებელი საკონტაქტო პირი/წარმომადგენელი, რომელიც იმავდროულად არ შეიძლება იყოს მოთამაშე.

·       გუნდის ან/და მისი წარმომადგენლის საბანკო რეკვიზიტი (ამონაწერი)  

·       ორი განსხვავებული ფერის ფორმის ნიმუში, რომელიც ბრენდირებულია ასოციაციის დადგენილი სტანდარტის შესაბამისად (შორტი,  მაისური, გეტრი)

·       გუნდის ლოგო (რომელიც გაგზავნილი უნდა იყოს ასოციაციის ელ ფოსტაზე: [email protected] )

·       საწევროს გადახდის ქვითარი  

·       აღმოსავლეთ და დასავლეთ საქართველოს „betlive MASTER LEAGUE“-ს საწევრო გადასახადი არის 1500 ლარი.

·       გუნდს უფლება აქვს წარმოადგინოს განახლებული განაცხადი არაუგვიანეს ჩემპიონატის დაწყებამდე 10 დღით ადრე.

4.2.3. მუნიციპალურ ლიგაში მოთამაშე გუნდებმა უნდა წარმოადგინონ:

·       განაცხადის შევსებული ფორმა ქაღალდისა და ელექტრონული ვერსია (გუნდის სახელის და სათამაშო ნომრების მითითებით)  - ამასთან გუნდს აუცილებლად უნდა ყავდეს პასუხისმგებელი საკონტაქტო პირი/წარმომადგენელი, რომელიც იმავდროულად არ შეიძლება იყოს მოთამაშე.

·       გუნდის ლოგო (რომელიც გაგზავნილი უნდა იყოს ასოციაციის ელ ფოსტაზე: [email protected] )

·       მუნიციპალურ „betlive MASTER LEAGUE“-ში მონაწილეობა არის უსასყიდლო.

4.3. ჩემპიონატში მონაწილე გუნდის განაცხადში შეყვანილი ფეხბურთელების ასაკი განისაზღვრება 16 წლიდან.

4.4. რეგიონალურ თუ მუნიციპალურ ჩემპიონატებში მონაწილე გუნდის განაცხადში    უნდა იყოს არანაკლებ 14 და არაუმეტეს 20 მოთამაშე, მათ შორის 2 მეკარე აუცილებლად. მონაწილე გუნდებს უფლება არ აქვთ განაცხადში შეიყვანონ პროფესიონალი ფეხბურთელი. პროფესიონალად ითვლება ფეხბურთელი, რომელიც  ჩემპიონატის მონაწილე გუნდების რეგისტრაციის დასრულებისას ირიცხება საქართველოს ეროვნული - 1, ეროვნული - 2, რანგით მე-3 ლიგაში, რანგით მე-4 ლიგაში, რანგით მე-5 ლიგაში, ჭაბუკთა ლიგაში მოასპარეზე გუნდში ან მონაწილეობას იღებს რომელიმე ასაკობრივ ჩემპიონატში, ამასთან მოთამაშე მწვრთვნელის არსებობის შემთხვევაში, გუნდი ვალდებულია შესაბამისი პირი მიუთითოს ფეხბურთელთა გრაფაშიც და მწრთვნელის გრაფაშიც.

4.4.1 იმ შემთხვევაში, თუ მონაწილე გუნდების რეგისტრაციის დასრულების შემდეგ, ამ ჩემპიონატის მონაწილე რომელიმე გუნდის განაცხადში შეყვანილი ფეხბურთელი ჩაირიცხება  4.4. პუნქტში ჩამოთვლილ რომელიმე ლიგის გუნდში, ჩემპიონატში მონაწილე გუნდმა ამის შესახებ დაუყოვნებლივ წერილობით უნდა აცნობოს შფა-ს.

4.4.2  თბილისის betlive MASTER LEAGUE“ -ის, დასავლეთ და აღმოსავლეთ betlive MASTER LEAGUE“ -ის გუნდებს უფლება აქვთ გუნდის საერთო განაცხადში ყავდეთ 1 ფეხბურთელი, რომელიც ასპარესობს ფუტსალის 1, მე-2 ან მე-3 ლიგაში მოთამაშე გუნდში. ხოლო betlive MASTER LEAGUE 2 -ის და betlive MASTER LEAGUE3-ის გუნდებს უფლება აქვთ გუნდის საერთო განაცხადში ყავდეთ 1 ფეხბურთელი, რომელიც ასპარესობს ფუტსალის მე-2 ან მე-3 ლიგაში მოთამაშე გუნდში, აღნიშნული საგამონაკლისო წესის დარღვევა იწვევს გუნდის დისკვალიფიკაციას და ჩემპიონატის შესაბამის მატჩში/მატჩებში, სადაც დარღვეულია აღნიშნული წესი გუნდს მიენიჭება ტექნიკური მარცხი 0:5.

4.5. თბილისის betlive MASTER LEAGUE“ -ის, „betlive MASTER LEAGUE 2“-ის, „betlive MASTER LEAGUE 3“-ის ჩემპიონატებში მონაწილე ნებისმიერ ფეხბურთელს, რომელიც ირიცხება ერთი გუნდის შემადგენლობაში, უფლება არა აქვს იასპარეზოს სხვა გუნდის შემადგენლობაში, შფა-ს სატრანსფერო დებულების გვერდის ავლით. შფა-ს სატრანსფერო დებულების ნორმების დარღვევად ჩაითვლება, ამავე დებულებით  განსაზღვრული სატრანსფერო პერიოდის დაუცველად, ჩემპიონატში მონაწილე ფეხბურთელის ერთი გუნდიდან ამავე ჩემპიონატში მონაწილე მეორე გუნდში გადასვლა ან/და  ორ ან რამდენიმე გუნდში ასპარეზობა. სატრასფერო პერიოდში ფეხბურთელის ახალ გუნდში დარეგისტრირებამდე, ახალმა გუნდმა შფა-ს უნდა წარუდგინოს გათავისუფლების ოფიციალური წერილი ამ ფეხბურთელის ყოფილი გუნდიდან.

4.6 გუნდის განაცხადში ყოფილი პროფესიონალი ფეხბურთელის, როგორც თავისუფალი ფეხბურთელის დამატება შესაძლებელია  შემდეგი პირობების დაცვით.

·       ფუტსალის რომელიმე ლიგაში მოთამაშე ფეხბურთელი, რომელიც განთავისუფლებულია გუნდიდან 2025 წლის 1 იანვრის  შემდეგ, არ აქვს უფლება დარეგისტრირდეს გუნდის განაცხადში, როგორც ახალი ფეხბურთელი, ეს წესი არ ვრცელდება თუ გუნდი განაცხადში იმატებს 1 ფეხბურთელს 4.4.2 პუნქტის გათვალისწინებით.

·       საქართველოს ეროვნული - 1, ეროვნული - 2, რანგით მე-3 ლიგაში, რანგით მე-4 ლიგაში, რანგით მე-5 ლიგაში, ჭაბუკთა ლიგაში ან რომელიმე ასაკობრივ ჩემპიონატში მოასპარეზე ყოფილი პროფესიონალი ფეხბურთელის გუნდის განაცხადში შეიძლება დარეგისტრირდეს თუ მისი ოფიციალურად განთავისუფლება მოხდა 2024 წლის 31 დეკემბრამდე ან თუ განთავისუფლებულია მიმდინარე 2025 წლის სეზონში და მისი ოფიციალურად განთავისუფლებიდან  გასულია 3 თვე.

4.7. შფა-ში გუნდის მიერ შეტანილი განაცხადის შეცვლა შესაძლებელია მხოლოდ შფა-ს სატრანსფერო ნორმებით განსაზღვრულ ვადებში და ფორმით.

5.  ჩემპიონატის ჩატარების სისტემა

5.1. თბილისის “ betlive MASTER LEAGUE“ -ის, „betlive MASTER LEAGUE 2“-ის, „betlive MASTER LEAGUE 3“-ის ჩემპიონატების ჩატარდება ლიგისა და ფლეიოფის პრინციპით შემდეგი წესების დაცვით.

5.2 თბილისის betlive MASTER LEAGUE  (რანგით უმაღლესი ლიგა) გაიმართება ლიგის და საჩემპიონო ფლეიოფის პრინციპით, მონაწილე 20 გუნდი ლიგის პრინციპით ითამაშებს 19 ტურს ყველა მოწინააღმდეგესთან. ლიგის დასრულების შემდგომ პირველ, მეორე, მესამე და მეოთხე ადგილზე გასული გუნდები გადაერთვებიან საჩემპიონო ფლეიოფში, რომელიც გაიმართება შემდეგი პრინციპით:

1. რეგულარულ ჩემპიონატში 1 ადგილზე გასული გუნდი პირდაპირ იასპარეზებს ნახევარფინალში.

ნახევარფინალის მონაწილე დანარჩენი სამი გუნდი გამოვლინდება  საჩემპიონო ფლეიოფის პირველი რაუნდით სადაც ერთმანეთს დაუპირისპირდებიან გუნდები შემდეგნაირად:

1. რეგულარულ ჩემპიონატში მე-2 ადგილზე გასული გუნდი დაუპირისპირდება რეგულარულ ჩემპიონატში მე-7 ადგილზე გასულ გუნდს.

2. რეგულარულ ჩემპიონატში მე-3 ადგილზე გასული გუნდი დაუპირისპირდება რეგულარულ ჩემპიონატში მე-6 ადგილზე გასულ გუნდს.

3. რეგულარულ ჩემპიონატში მე-4 ადგილზე გასული გუნდი დაუპირისპირდება რეგულარულ ჩემპიონატში მე-5 ადგილზე გასულ გუნდს.

ნახევარფინალში რეგულარული სეზონის გამარჯვებული გუნდი დაუპირისპირდება საჩემპიონო ფლეიოფის პირველი რაუნდის  იმ გამარჯვებულ გუნდს, რომელსაც ყველაზე დაბალი მაჩვენებელი ქონდა რეგულარულ სეზონში.

საჩემპიონო ფლეიოფის მატჩები გაიმართება 1 მოგებამდე - სერიის რომელიმე მატჩის ფრედ დასრულების შემთხვევაში გაიმართება პენალტების სერია და გამოვლინდება კონკრეტული მატჩის გამარჯვებული.

ფინალური მატჩი - გაიმართება 1 თამაში.

ჩემპიონატიდან ავტომატურად გავარდებიან და 2026 წლის სეზონში  “ betlive MASTER LEAGUE” -ში (უმაღლეს ლიგა) ასპარეზობის უფლება არ ექნებათ ჩემპიონატში მე-17, მე-18, მე-19 და მე-20 ადგილზე გასულ გუნდებს - ისინი დაქვეითდებიან და 2026 წლის სეზონში ითამაშებენ “betlive MASTER LEAGUE-2” -ში. თბილისის betlive MASTER LEAGUE-ის გამარჯვებული გუნდი პირდაპირ მოხვდება  MASTER CUP -ის ფინალურ რაუნდზე, ხოლო დანარჩენი 3 ნახევარფინალისტი გუნდი გადაერთვება MASTER CUP 2025-ის საფლეიოფო რაუნდზე.

5.2.1   თბილისის “betlive MASTER LEAGUE-2”-ი (რანგით მე-2 ლიგა) გაიმართება ლიგის და საჩემპიონო ფლეიოფის პრინციპით, მონაწილე 20 გუნდი ლიგის პრინციპით ითამაშებს 19 ტურს ყველა მოწინააღმდეგესთან. ლიგის დასრულების შემდგომ პირველ, მეორე, მესამე, მეოთხე, მეხუთე, მეექვსე და მე-7  ადგილზე გასული გუნდები გადაერთვებიან საჩემპიონო ფლეიოფში, რომელიც გაიმართება შემდეგი პრინციპით:

v  რეგულარულ ჩემპიონატში 1 ადგილზე გასული გუნდი პირდაპირ იასპარეზებს ნახევარფინალში.  

v  ნახევარფინალის მონაწილე დანარჩენი სამი გუნდი გამოვლინდება  საჩემპიონო ფლეიოფის პირველი რაუნდით სადაც ერთმანეთს დაუპირისპირდებიან გუნდები შემდეგნაირად:

1. რეგულარულ ჩემპიონატში მე-2 ადგილზე გასული გუნდი დაუპირისპირდება რეგულარულ ჩემპიონატში მე-7 ადგილზე გასულ გუნდს.

2. რეგულარულ ჩემპიონატში მე-3 ადგილზე გასული გუნდი დაუპირისპირდება რეგულარულ ჩემპიონატში მე-6 ადგილზე გასულ გუნდს.

3. რეგულარულ ჩემპიონატში მე-4 ადგილზე გასული გუნდი დაუპირისპირდება რეგულარულ ჩემპიონატში მე-5 ადგილზე გასულ გუნდს.

ნახევარფინალში რეგულარული სეზონის გამარჯვებული გუნდი დაუპირისპირდება საჩემპიონო ფლეიოფის პირველი რაუნდის  იმ გამარჯვებულ გუნდს, რომელსაც ყველაზე დაბალი მაჩვენებელი ქონდა რეგულარულ სეზონში.

betlive MASTER LEAGUE 2-ის  გამარჯვებული გუნდი გადაერთვება MASTER CUP 2025-ის საფლეიოფო რაუნდზე. ამასთაn მე-2 ლიგის ნახევარფინალისტი გუნდები მოიპოვებენ უმაღლესი ლიგის საგზურს და 2026 წლის სეზონში იასპარეზებენ უმაღლეს ლიგაში.  თბილისის betlive MASTER LEAGUE 2-ში მე-17, მე-18, მე-19 და მე-20 ადგილზე გასული გუნდები- დაქვეითდებიან და 2026 წლის სეზონში ითამაშებენ “ MASTER LEAGUE-3” -ში.

5.2.2  თბილისის betlive MASTER LEAGUE 3 გაიმართება ლიგის და ფლეიოფის პრინციპით  ოთხ ქვეჯგუფად. მონაწილე 52 გუნდი გადანაწილდება 4 (ოთხი)  A,B,C  და D ქვეჯგუფში 13-13 გუნდად. თითოეული ქვეჯგუფის გუნდი ითამაშებს ლიგის პრინციპით 13 ტურს და გამოავლენს ქვეჯგუფის გამარჯვებულს.  

საჩემპიონო ფლეიოფის 1 რაუნდში დაისვენებენ ქვეჯგუფის გამარჯვებული გუნდები ხოლო ქვეჯგუფში მე-2 დან მე-7 ადგილამდე გასული 24 გუნდი გამოავლენს მე-3 ლიგის საჩემპიონო ფლეიოფის დამატებით 12 მეოთხედფინალისტ გუნდს.    

1. რეგულარულ ჩემპიონატში ჯგუფში მე-2 ადგილზე გასული გუნდი დაუპირისპირდება რეგულარულ ჩემპიონატში თავისივე ჯგუფში მე-7 ადგილზე გასულ გუნდს.

2. რეგულარულ ჩემპიონატში ჯგუფში მე-3 ადგილზე გასული გუნდი დაუპირისპირდება რეგულარულ ჩემპიონატში თავისივე ჯგუფში მე-6 ადგილზე გასულ გუნდს.

3. რეგულარულ ჩემპიონატში ჯგუფში მე-4 ადგილზე გასული გუნდი დაუპირისპირდება რეგულარულ ჩემპიონატში თავისივე ჯგუფში მე-5 ადგილზე გასულ გუნდს.

მეოთხედფინალში გუნდები დაუპირისპირდებიან ერთმანეთს ჯვარედინად, კერძოდ A ჯგუფიდან გასული 4 გუნდი დაუპირისპირდება C ჯგუფიდან გასულ 4 გუნდს, ხოლო  B ჯგუფიდან გასული 4 გუნდი დაუპირისპირდება D ჯგუფიდან გასულ 4 გუნდს, ამასთან ჯგუფის გამარჯვებულები მეოთხედფინალურ ეტაპზე შეხვდებიან შესაბამისი ჯგუფში რეგულარულ ჩემპიონატში ყველაზე დაბალ ადგილზე გასულ გუნდს.

გარდა მე-3 ლიგის საჩემპიონო ფლეიოფისა და გასავარდნი ფლეიოფის მატჩებისა ყველა სხვა საფლეიოფო ეტაპის თამაშები (1/8 ფინალი 1/4 ფინალი 1/2 ფინალი და ფინალი) გაიმართება 1 მოგებამდე.

ნახევარფინალისტი გუნდები ავტომატურად დაწინაურდებიან და 2026 წლის სეზონისათვის იასპარეზებენ betlive MASTER LEAGUE 2-ში.

მე-3 ლიგის გასავარდნ ფლეიოფში იასპარეზებენ ჯგუფში მე-8 დან მე-13 ადგილის ჩათვლით გასული გუნდები, სადაც დაუპირისპირდებიან შემდეგი პრინციპით.

მე-8 ადგილი - მე-13 ადგილი

მე-9 ადგილი - მე-12 ადგილი

მე-10 ადგილი - მე-11 ადგილი

აღნიშნულ დაპირისპირებებში გამარჯვებულები გამოვლინდებიან 2 თამაშით.

2 თამაშით გამარჯვებულის გამოვლენა მოხდება შემდეგნაირად:

თუ A და B გუნდს შორის  1 თამაში დასრულდა A გუნდის გამარჯვებით, ხოლო მეორე მატჩი დასრულდა ფრე - სერიის გამარჯვებული იქნება A გუნდი.

თუ A გუნდმა B გუნდი პირველ თამაშში დაამარცხა 5:0 და მეორე მატჩში B გუნდმა მოუგო A გუნდს 1:0 სერიაში ანგარიში გათანაბრდება და გამარჯვებული გამოვლინდება პენალტების სერიით.

თუ A გუნდს და B გუნდს შორის ორივე მატჩი დასრულდა ფრედ, სერიის მეორე მატჩის დასრულების შემდგომ გაიმართება პენალტების სერია გამარჯვებულის გამოსავლენად. 

გასავარდნ ფლეიოფში დამარცხებული 12 გუნდი (3 გუნდი თითოეული ქვეჯგუფიდან) დაკარგავენ რეგისტრაციის პრიორიტეტს მომდევნო 2026 წლის სეზონისათვის და რეგისტრაციას გაივლიან საერთო წესით.

.

5.2.3 თბილისის მერიის თასის 2025 წლის გათამაშებაში მონაწილეობას მიიღებს თბილისის მასშტაბით სამივე ლიგაში რეგისტრირებული ჯამში 92 გუნდი, შემდეგი წესების დაცვით. 

1 რაუნდში მონაწილეობას მიიღებს მე-3 ლიგაში მოასპარეზე 52 გუნდი და მე-2 ლიგაში 7 ტურის შემდგომ მე-17,მე-18,მე-19 და მე-20 ადგილზე მყოფი გუნდები. ჯამში 56 გუნდი გამოავლენს 28 გამარჯვებულს რომელიც დაემატება დარჩენილ 36 გუნდს (20 უმაღლესი ლიგიდან და 16 მეორე ლიგიდან)  და ასპარეზობა გაგრძელდება ოლიმპიური პრინციპით 1/32 ფინალიდან.

2 რაუნდში  64 გუნდი - 1/32 ფინალი (32 მატჩი)

3 რაუნდი  32 გუნდი- 1/16 ფინალი (16 მატჩი)

4 რაუნდი 16 გუნდი-1/8 ფინალი (8 მატჩი)

5  რაუნდი  8 გუნდი -1/4- ფინალი (4 მატჩი)

6  რაუნდი 4 გუნდი-1/2- ფინალი (2 მატჩი)

6  რაუნდი 2 გუნდი- ფინალი (1 მატჩი)

თბილისის მერიის თასის გამარჯვებული გუნდი გადაერთვება MASTER CUP 2025-ის ფინალურ რაუნდზე, იმ შემთხვევაში თუ უმაღლესი ლიგისა და თასის გამარჯვებული გახდა ერთიდაიგივე გუნდი ამ შემთხვევაში  MASTER CUP 2025 -ის ფინალური რაუნდის საგზურს მიიღებს თასის ფინალისტი.

5.3. თბილისის ჩემპიონატები დაიწყება  2025 წლის 30 აპრილს და დასრულდება არაუგვიანეს 2025 წლის  25 დეკემბერისა.

5.3.1 თბილისის ჩემპიონატებში სარეგისტრაციო პერიოდი დაიწყება 2025 წლის 25 იანვარს და გაგრძელდება 2025 წლის 15 მარტამდე.      

6. აღმოსავლეთის და დასავლეთის  betlive MASTER LEAGUE

6.1. აღმოსავლეთის betlive MASTER LEAGUE-ში მონაწილეობას მიიღებს რეგისტრირებული გუნდები აღმოსავლეთ საქართველოს რეგიონებიდან (კახეთი, შიდა ქართლი, სამცხე-ჯავახეთი, ქვემო ქართლი, მცხეთა მთიანეთი)

6.1.2 აღმოსავლეთის betlive MASTER LEAGUE გაიმართება ლიგისა და ფლეიოფის სისტემით, ჩემპიონატის კალენდარი და ჩატარების სისტემა გადაეცემათ მონაწილე გუნდებს ჩემპიონატის დაწყებამდე არაუგვიანეს 10 დღისა.

6.2.   დასავლეთის betlive MASTER LEAGUE-ში მონაწილეობას მიიღებს რეგისტრირებული გუნდები დასავლეთ საქართველოს რეგიონებიდან ( იმერეთი, გურია, აჭარა, სამეგრელო, რაჭა-ლეჩხუმი)

6.2.1 დასავლეთის betlive MASTER LEAGUE  გაიმართება ლიგისა და ფლეიოფის სისტემით, ჩემპიონატის კალენდარი და ჩატარების სისტემა გადაეცემათ მონაწილე გუნდებს ჩემპიონატის დაწყებამდე არაუგვიანეს 10 დღისა.

7. მუნიციპალური, რეგიონალური რაუნდები და საქართველოს MASTER CUP 2025

7.1  betlive MASTER LEAGUE-ს მუნიციპალურ საკვალიფიკაციო გათამაშებაში მონაწილეობას მიიღებს საქართველოს ყველა მუნიციპალიტეტში რეგისტრირებული გუნდები.

7.2 მუნიციპალური საკვალიფიკაციო რაუნდის მატჩები გაიმართება ოლიმპიური სისტემით და აღნიშნული ეტაპიის გამარჯვებულები გადაერთვებიან რეგიონალურ რაუნდზე სადაც ასევე ოლიმპიური პრინციპით გამოავლენენ რეგიონის ჩემპიონებს -რომლებიც კონფერენციის მიხედვით ითამაშებენ ფლეიოფს MASTER CUP-ის  საკვალიფიკაციო რაუნდზე მოსახვედრად.

7.3   MASTER CUP-ი შედგება ორი ეტაპისგან

     - საკვალიფიკაციო რაუნდი

-        ფინალური რაუნდი  

7.3.1 MASTER CUP - ის საკვალიფიკაციო რაუნდში მონაწილეობას მიიღებს 16 გუნდი, რომლებიც გაითამაშებენ ფინალური რაუნდის 4 საგზურს

7.3.2. MASTER CUP - ის საკვალიფიკაციო რაუნდის მონაწილე 16 გუნდი დაკომპლექტება შემდეგნაირად.

1. თბილისის betlive MASTER LEAGUE-ის (უმაღლესი ლიგა) ფინალისტი

2. თბილისის betlive MASTER LEAGUE-ის (უმაღლესი ლიგა) ნახევარფინალისტი

3. თბილისის betlive MASTER LEAGUE-ის (უმაღლესი ლიგა) ნახევარფინალისტი

4. თბილისის betlive MASTER LEAGUE-2 ის ჩემპიონი

5. თბილისის betlive MASTER LEAGUE-3 ის ჩემპიონი

6. თბილისის მერიის თასის გამარჯვებული

7. ვაილდ ქარდი

8. ვაილდ ქარდი

9. აღმოსავლეთ საქართველოს betlive MASTER LEAGUE-ის ფინალისტი

10. აღმოსავლეთ საქართველოს betlive MASTER LEAGUE-ის ნახევარფინალისტი

11. აღმოსავლეთ საქართველოს betlive MASTER LEAGUE-ის ნახევარფინალისტი

12. დასავლეთ საქართველოს betlive MASTER LEAGUE-ის ფინალისტი

13. დასავლეთ საქართველოს betlive MASTER LEAGUE-ის ნახევარფინალისტი

14. დასავლეთ საქართველოს betlive MASTER LEAGUE-ის ნახევარფინალისტი

15. დასავლეთ საქართველოს საკვალიფიკაციო მუნიციპალური და რეგიონალური რაუნდიდან გასული გუნდი.

16. აღმოსავლეთ საქართველოს საკვალიფიკაციო მუნიციპალური და რეგიონალური რაუნდიდან გასული გუნდი.

7.3.3 MASTER CUP - ის ამბასადორის ფინალური რაუნდის გათამაშებაში მონაწილეობას მიიღებს 8 გუნდი, რომლებიც კენჭისყრით დაუპირიპირდებიან ერთმანეთს. აღნიშნული 8 გუნდი დაკომპლექტდება შემდეგნაირად:    

თბილისის MASTER LEAGUE-ის (უმაღლესი ლიგა) 2025 წლის ჩემპიონი,

აღმოსავლეთ საქართველოს betlive MASTER LEAGUE-ის 2025 წლის სეზონის ჩემპიონი

დასავლეთ საქართველოს betlive MASTER LEAGUE-ის 2025 წლის სეზონის ჩემპიონი

თბილისის მერიის თასის 2025 წლის სეზონის გამარჯვებული.

 ხოლო დარჩენილი 4 ადგილი გათამაშდება 7.3.2 პუნქტის შესაბამისად.

8. ჩემპიონატის ჩატარების პირობები და წესები

8.1. ჩემპიონატის კალენდარი დგება შფა-ს მიერ ჩატარებული კენჭისყრის საფუძველზე.

8.2.  ლიგაში მოასპარეზე ყველა გუნდი ვალდებულია ქონდეს ორი განსხვავებული ფორმა (მაისური, შორტი, გეტრი) . ყველა მატჩში, რომლებიც გაიმართება თბილისის betlive MASTER LEAGUE-ში, betlive MASTER LEAGUE2-ში, betlive MASTER LEAGUE3-ში, თბილისის მერიის თასზე და საქართველოს MASTER CUP-ზე გუნდები წარმოდგენილი უნდა იყვნენ განსხვავებული ეკიპირებით და არ შეიძლება ერთმანეთს ემთხვეოდეს მაისურის, შორტის და გეტრის ფერი. იმ შემთხვევაში თუ ფეხბურთელი სარგებლობს თერმო მაისურით, თერმო მაისურის ფერი უნდა ემთხვეოდეს კონკრეტულ მატჩში სათამაშო ფორმის (მაისურის) ფერს, ან უნდა იყოს თეთრი ან/და შავი, ყველა სხვა დანარჩენ შემთხვევაში ფეხბურთელი მოედანზე არ დაიშვება.

8.2.1 ყველა გუნდი ვალდებულია ყავდეს მწრთვნელი და ოფიციალური წარმომადგენელი.  მწრთვნელი შესაძლოა იყოს პირი, რომელსაც აქვს შესაბამისი ლიცენზია (მინიმუმ C) ან/და გაკეთებული აქვს განაცხადი ლიცენზიის მოსაპოვებლად. გუნდს შესაძლოა ყავდეს მოთამაშე მწრთვნელი და ხოლო გუნდის ოფიციალური წარმომადგენელი არ შეიძლება იმავდროულად იყოს რეგისტრირებული სათამაშო განაცხადში, როგორც ფეხბურთელი.  

თუ გუნდის მწრთვნელის გრაფაში მითითებული პირი არ იქნება წარმოდგენილი გუნდის თამაშების 50% -ში მაინც, გუნდს დაეკისრება ჯარიმა 1000 ლარის ოდენობით.

8.3. გუნდის წარმომადგენელი ან/და მწრთვნელი ვალდებულია მატჩის დაწყებამდე 15 წუთით ადრე მატჩის დელეგატს წარუდგინოს კონკრეტული მატჩის განაცხადში შეყვანილი მოთამაშეები.

8.3.1. კონკრეტულ დაპირისპირებამდე მასპინძელის სტატუსით მოასპარეზე გუნდი ვალდებულია აირჩიოს სათამაშო ფორმის ფერი (შორტი, მაისური, გეტრი) და აცნობოს ლიგის დელეგატს არაუგვიანეს მატჩის გამართვამდე 2 დღისა, თუ მასპინძელის სტატუსით მოასპარეზე გუნდმა დააღღვია აღნიშნული ვალდებულება ფორმის არჩევის უპირატესობა გადადის ნომინალურ სტუმარზე.

8.4. თამაშის გასამართად თითოეული გუნდის ძირითად შემადგენლობაში უნდა იყოს 7 ფეხბურთელი მწრთვნელის გარეშე, ხოლო თუ აღნიშნული 7 ფეხბურთელიდან ერთი არის პირი რომელიც გაფორმებულია, როგორც მოთამაშე მწრთვნელი მაშინ გუნდს დამატებით უნდა ყავდეს წარმომადგენელი.      

8.4.1 თუ ჩემპიონატის მატჩის დაწყების დროს გუნდის შემადგენლობაში არ არიან საკმარისი ფეხბურთელები 8.4 მუხლის შესაბამისად თამაში არ დაიწყება და გუნდს ჩაეთვლება ტექნიკური მარცხი ანგარიშით 0-5, ამასთან შფა-ს ლიგის ხელმძღვანელი დელეგატი იმსჯელებს გუნდისათვის გონივრული სანქციის დაკისრებაზე შფა-ს სადისციპლინო კოდექსის შესაბამისად. გაუთვალისწინებელ შემთხვევაში მატჩის დელეგატი უფლებამოსილია განსაზღვროს მოცდის დრო არაუმეტეს 15 (თხუთმეტი) წუთის ოდენობით.

8.5. თბილისის ჩემპიონატების მატჩებისას თუ გუნდების ძირითადი სათამაშო ფორმები მსგავსია, ნომინალური მასპინძელი 8.3.1 მუხლის წესების დაცვით ირჩევს სათამაშო ფორმის ფერს, ხოლო თუ ნომინალურ სტუმარ გუნდს არ გააჩნია მეორე სათამაშო ფორმა მას ჩაეთვლება ტექნიკური წაგება 5-0, ხოლო იმ შემთხვევაში თუ ფორმის არჩევის უპირატესობა გადავიდა ნომინალურ სტუმარ გუნდზე და მასპინძელის სტატუსით მოასპარეზე გუნდს კონკრეტულ თამაშზე არ გააჩნია მეორე სათამაშო ფორმა, ნომინალურ მასპინძელს ჩაეთვლება ტექნიკური მარცხი ანგარიშით 0-5.  იმავე პრობლემის მუნიციპალურ და რეგიონულ ეტაპზე წარმოშობის შემთხვევაში  საკითხი, თუ რომელი გუნდი გამოიყენებს ფერის განმასხვავებელ გადასაცმელს, გადაწყდება კენჭისყრით.

8.6. ჩემპიონატის მატჩებში არ არის განსაზღვრული ცვლილების განხორციელების რაოდენობის ლიმიტი. შეცვლილი მოთამაშის მოედანზე დაბრუნება შესაძლებელია. მატჩის მიმდინარეობისას გუნდმა ცვლილება უნდა განახორციელოს დელეგატის მეთვალყურეობის ქვეშ. თითოეულ გუნდ ცვლილებების განსახორციელებლად ეძლევა ტერიტორია სათადარიგო სკამიდან მოედნის ცენტრამდე, ცვლილების განხორციელების პროცესში მოედანზე შემსვლელმა ფეხბურთელმა ხელიდან ხელში უნდა გადასცეს გამომსვლელ ფეხბურთელს ფერის განმასხვავებელი მაისური.

8.7. სათადარიგო მოთამაშეთა მოთელვა უნდა ხდებოდეს დელეგატის ან/და მსაჯის მიერ მითითებულ ადგილზე. სათადარიგო მოთამაშე, გუნდის წარმომადგენელი და მწრთვნელი ვალდებულნი არიან დაემორჩილონ, მატჩის დელეგატის, ჩემპიონატის კოორდინატორის ან/და ასოციაციის წარმომადგენლების მითითებებს.

8.8. თამაშის დროს, სათამაშო კარის უკან, შესაბამის ადგილას დგომის უფლება აქვთ მხოლოდ ფოტოკორესპოდენტებს, ტელეოპერატორებს და ბურთის მომწოდებელ პირებს.

8.9. დელეგატი და მსაჯი უფლებამოსილნი არიან მატჩის დაწყებამდე 10 წუთით ადრე ჩაატარონ თათბირი, რომელშიც მონაწილეობას მიიღებენ ორივე გუნდის წარმომადგენლები.

8.10. მატჩის დაწყებისა და დამთავრების შემდეგ მოთამაშეები ვალდებულნი არიან, ხელი ჩამოართვან ერთმანეთსა და მსაჯებს და დაემშვიდობონ მაყურებელს.

8.11. თუ გუნდი მოიხსნება ჩემპიონატის ლიგის პირველი ეტაპის დასრულებამდე, მის მიერ ჩატარებელი ყველა იმ შეხვედრის შედეგი, რომელშიც ეს გუნდი არ დამარცხებულა ხუთზე მეტი ბურთის სხვაობით, ჩაეთვლება წაგება 0-5, ხოლო, ხუთზე მეტი ბურთის სხვაობით დამარცხების შემთხვევაში, ასეთი მატჩის შედეგი რჩება უცვლელი. ყველა დარჩენილი შეხვედრა ჩაეთვლება წაგება 0-5.

8.12. თუ გუნდი მოიხსნება მეორე წრის ან/და ფლეიოფის მიმდინარეობისას, მის მიერ ჩასატარებელი ყველა დარჩენილი შეხვედრა ჩაეთვლება წაგება 0-5, ხოლო ჩატარებული მატჩების შედეგები რჩება უცვლელი.

8.13. ტექნიკური მოგების შემთხვევაში, ჩემპიონატის სატურნირო ცხრილის გატანილი გოლების მაჩვენებელში გუნდს ემატება 5 გოლი.

8.14. ჩემპიონატის მსვლელობისას, მოთამაშე 3 (სამი) ყვითელი ბარათის სხვადასხვა მატჩში მიღების შემთხვევაში გამოტოვებს 1 მატჩს, ერთ მატჩში მიღებული ორი ყვითელი ბარათის შემდეგ წითელი ბარათის მიღების შემთხვევაში ან პირდაპირ წითელი ბარათის მიღების შემთხვევაში - მოთამაშე გამოტოვებს 2 მატჩს და განსაკუთრებულ შემთხვევაში სადისციპლინო კომიტეტი იმსჯელებს და დაადგენს დისკვალიფიკაციის სახესა და ვადას. იმ შემთხვევაში, თუ დარღვევა შეიცავს სისხლის ან ადმინისტრაციული სამართალდარღვევის ნიშნებს, საქმე გადაეცემა შესაბამის ორგანოებს.  .

8.15. დისკვალიფიკაციის ვადის შემცირება დაუშვებელია, გარდა იმ შემთხვევისა თუ დისკვალიფიკაცია გამოწვეულია მსაჯის არასწორი გადაწყვეტილებით, რასთან დაკავშირებითაც გადაწყვეტილებას იღებს სადისციპლინო კომიტეტი.

8.16. მოედნიდან გაძევებულ მოთამაშეს, მწვრთნელს და გუნდის წარმომადგენელს სათადარიგოებს შორის ყოფნა ეკრძალება და უნდა გადაინაცვლოს ტრიბუნაზე.

8.17. ჩემპიონატის მატჩის თითოეული ტაიმი გრძელდება 20 (ოცი) წუთი “ჭუჭყიანი” დრო, ტაიმებს შორის შესვენება გრძელდება 10 (ათი) წუთი. ტაიმის სათამაშო დროის 20 წუთის ამოწურვის შემთხვევაში, თამაში გრძელდება მანამ სანამ ბურთი მოედანზეა და არ გადაკვეთს მოედნის ხაზს.

8.18. ჩემპიონატებზე რომლებიც იმართება  ფლეიოფის სისტემით, მატჩის ძირითადი დროის ფრედ დასრულების შემთხვევაში, გამარჯვებულის გამოსავლენად დაინიშნება პენალტების  სერია.

8.18. მატჩის დაწყების დრო შეიძლება შეიცვალოს მხოლოდ იმ შემთხვევაში, თუ მატჩის დაწყება ჭიანურდება სტადიონის ტექნიკური გაუმართავობის ან შფა-სგან დამოუკიდებელი სხვა ობიექტური მიზეზების გამო.

8.19. ჩემპიონატის მატჩების მსვლელობის დროს გუნდებს უფლება აქვთ გამოიყენონ 1 წუთშესვენება თითოეულ ტაიმში.

8.20. წუთშესვენების გამოყენების მსურველი გუნდის მწრთვნელი ან/და გუნდის წარმომადგენელი ვალდებულია გადასცეს მატჩის დელეგატს შესაბამისი ბარათი. წუთშესვენების გამოყენების უფლება მსურველ გუნდს წარმოეშობა იმ მომენტიდან, როდესაც ბურთი გადასულია მოედნის ფარგლებს გარეთ და ბურთის თამაშში შეყვანის უფლება ეკუთვნის იმ გუნდს, რომელიც ითხოვს წუთშესვენებას.

8.21. პირველ ტაიმში გამოუყენებელი წუთშესვენება გუნდს არ გადაყვება მეორე ტაიმში, მათ შორის ისეთ შემთხვევებში, როდესაც გუნდს მოთხოვნილი ჰქონდა წუთშესვენება პირველ ტაიმში და ტაიმი ისე დასრულდა, რომ გუნდმა ვერ მოიპოვა ბურთის თამაშში შეყვანის უფლება.

8.22. ჩემპიონატის მატჩები ჩატარდება შფა-ს მიერ შერჩეული საფეხბურთო ბურთებით. საფეხბურთო ბურთი უნდა იყოს “5 ზომა“ და უნდა ჰქონდეს შემდეგი წარწერებიდან ერთ- ერთი:

• FIFA APPROVED ან/და FIFA QUALITY PRO

• FIFA INSPECTED და/ან FIFA QUALITY

• INTERNATIONAL MATCHBALL STANDARD

8.23 ჩემპიონატის ჩატარება კონკრეტულ მოედანზე შესაძლებელია, თუ იგი აკმაყოფილებს შესაბამის სტანდარტს.

მოედნის სიგანე - მინიმალური 28 მეტრი , მაქსიმალური 36 მეტრი.

მოედნის სიგრძე - მინიმალური 48 მეტრი, მაქსიმალური 60 მეტრი.

საჯარიმოს სიგანე - მინიმალური 14 მეტრი, მაქსიმალური 16 მეტრი

საჯარიმოს სიგრძე - მინიმალური 8 მეტრი, მაქსიმალური 10 მეტრი

პენალტის ნიშნული - 7 მეტრი კარიდან

კარების სიგანე - მინიმალური 4.6 მეტრი, მაქსიმალური 5.2 მეტრი

კარების სიმაღლე - მინიმალური 2 მეტრი, მაქსიმალური 2.15 მეტრი

8.24. ჩემპიონატის მატჩები ჩატარდება  ამ დებულებით განსაზღვრული სპეციალური წესებისა და IFAB-ის მიერ დადგენილი წესების შესაბამისად. ნორმათა კოლიზიის შემთხვევაში უპირატესად მოქმედებს ამ დებულებით განსაზღვრული სპეციალური წესები.

8.25. ლიგის ფორმატით გამართულ ჩემპიონატებში თანაბარი ქულების დაგროვების შემთხვევაში, გუნდებს უპირატესობა მიენიჭებათ შემდეგი პრიორიტეტების რიგითობის მიხედვით:

1) უშუალოდ ურთიერთშეხვედრის შედეგი;

2) გატანილი და მიღებული ბურთების უკეთესი სხვაობა;

3) მოგებათა მეტი რაოდენობა;

4) გატანილი გოლების მეტი რაოდენობა;

5) გაშვებული გოლების ნაკლები რაოდენობა

თუ გუნდების ეს მაჩვენებელიც თანაბარი აღმოჩნდება, ჩატარდება გადათამაშება ერთი მატჩით. გადათამაშების ფრედ დასრულების შემთხვევაში, დაინიშნება პენალტების სერია.

8.25  ჩემპიონატის ყველა მატჩი გაიმართება შემდეგი სპეციალური წესების დაცვით:

-       დაუშვებელია მინდორზე მოთამაშე ფეხბურთელის მიერ საკუთარი მეკარისათვის ფეხით დაგორებული ბურთის ხელში აღება.

-       მეკარეს თამაშში ბურთი შეყავს ხელის გამოყენებით, რომლისთვისაც ეძლევა 5 წამი. იმ შემთხვევაში თუ მეკარემ მინდორზე დადო, ბურთი ითვლება თამაშში შეყვანილად და ასეთ შემთხვევაში გატალი გოლი ჩაითვლება წესების დაცვით რეალიზებულად. იმ შემთხვევაში თუ მეკარემ გააჭიანურა ბურთის თამაშში შეყვანა, ბურთი ჩამოერთმევა გუნდს და დაინიშნება კუთხური.

-       კუთხური დარტყმა ინიშნება, როდესაც ბურთი მთლიანად გადაკვეთს კარის ხაზს მიწაზე ან ჰაერში, იმ პირობით, რომ მას ბოლოს შეეხო დამცველი გუნდის მოთამაშე და გოლი არ არის გატანილი. კუთხურის მოწოდების დროს დამცველი გუნდის ფეხბურთელი არ შეიძლება იყოს ბურთთან 5 მეტრზე ახლოს.

-       თუ სათამაშო ბურთი გადაკვეთს მოედნის გვერდით ხაზს, ამ შემთხვევაში ინიშნება აუტი, რომლის შემთხვევაშიც ბურთს თამაშში შეიყვანს მეტოქე გუნდის ფეხბურთელი. აუტიდან ბურთი თამაში შეყვანილი უნდა იქნეს მოთამაშის ბურთთან მისვლიდან 5 წამის განმავლობაში მხოლოდ ფეხის გამოყენებით, აუტიდან პირდაპირ გატანილი გოლი გაუქმდება თუ მას არ შეეხო ბურთის მომწოდებლის გარდა სხვა ფეხბურთელი. აუტის მოწოდების დროს დამცველი გუნდის ფეხბურთელი არ შეიძლება იყოს ბურთთან 5 მეტრზე ახლოს.  ამ წესების დარღვევის შემთხვევაში მსაჯი უფლებამოსილია  ჩამოართვას გუნდს აუტი და გადასცეს მოწინააღმდეგე გუნდს.

-       რომელიმე გუნდის კარის მიმართულებით დანიშნული საჯარიმო ან თავისუფალი დარტყმის შემთხვევაში, დამცველი გუნდის ფეხბურთელი უნდა იმყოფებოდეს არა ნაკლებ 5 მეტრის მანძილზე ბურთიდან, გარდა იმ შემთხვევისა, როდესაც ისინი იმყოფებიან საკუთარი კარის ხაზზე ბოძებს შორის.

-       საჯარიმო მოედნის შიგნით სათამაშო წესების დარღვევის შემთხვევაში დაინიშნება 7 მეტრიანი საჯარიმო დარყმა შემტევი გუნდის სასარგებლოდ.

-       მოთამაშის შეცვლა შესაძლებელია მატჩის მსვლელობის პარალელურად მატჩის დელეგატის ზედამხედველობით და მითითების შესაბამისად. ფეხბურთელი არ შეიძლება შევიდეს მოედანზე მანამ სანამ მოედნის მოთამაშე არ დატოვებს სათამაშო მოედნის ფარგლებს.

-       ტაიმის სათამაშო დროის ამოწურვის შემთხვევაში ტაიმი არ მთავრდება მანამ, სანამ ბურთი არ გადაკვეთს რომელიმე მოედნის ხაზს.

-       მატჩის მსვლელობის დროს წითელი ბარათის მიღების შემთხვევაში მოთამაშე გაძევებული იქნება 7 წუთის განმავლობაში.  გაძევებული მოთამაშის დაბრუნება დაუშვებელია, ხოლო 7 წუთის გასვლის შემდგომ მის ნაცვლად შემოვა სხვა ფეხბურთელი, იმ შემთხვევაში თუ გუნდს სხვა სათადარიგო ფეხბურთელი არ ყავს ამ შემთხვევაში გუნდი მატჩს დაასრულებს კაცნაკლული.

8.26 თითოეულ ჩემპიონატის მატჩზე გუნდი წარმოდგენილი უნდა იყოს მენეჯერით/მწრთვნელით, იმ შემთხვევაში თუ გუნდის განაცხადში აღნიშნულ პოზიციაზე მითითებული პირი არ იმყოფება მატჩის დროს მოედანზე, მაშინ მისი დროებით ჩანაცვლება ხდება მატჩის განაცხადში მყოფი ფეხბურთელით, ასეთ დროს აღნიშნული ფეხბურთელი ითავსებს მენეჯერის/მწრთვნელის ფუნქციას დროებით და არ აქვს მატჩში მონაწილეობის მიღების უფლება, როგორც ფეხბურთელს.

8.27 ჩემპიონატის მონაწილე ყველა გუნდი ვალდებულია დაემორჩილოს ორგანიზატორებისა და მატჩის დელეგატების მითითებებს, დაუმორჩილებლობის შემთხვევაში შფა უფლებამოსილია გააუქმოს მატჩის შედეგი, ფეხბურთელს აუკრძალოს კონკრეტულ შეხვედრაში მონაწილეობის უფლება და დაუმორჩილებელ გუნდს ჩაუთვალოს ტექნიკური მარცხი ან/და მოხსნას გათამაშებიდან.

9. მსაჯობა

9.1. მატჩებს მოემსახურებიან შფა-ის მიერ რეკომენდირებული და დამტკიცებული მსაჯები. მსაჯობა ხორციელდება „FIFA“-ს წესების შესაბამისად და ამავე დებულების გათვალისწინებით.

9.2. მატჩზე მთავარი მსაჯის გამოუცხადებლობის ან მის მიერ მატჩის გაგრძელების შეუძლებლობის შემთხვევაში მის ფუნქციებს ასრულებს მეორე სათადარიგო მსაჯი.

9.3. მსაჯი ვალდებულია წერილობით აღნიშნოს მოთამაშეთა გაფრთხილების და მინდვრიდან გაძევების შემთხვევები დროის მითითებით. მატჩის დროს მომხდარი საგანგებო შემთხვევის შესახებ მსაჯმა იმავე დღეს ადგილზე უნდა აცნობოს მატჩის დელეგატს.

9.4. მატჩებზე მსაჯის მომსახურების თანხას და ხარჯებს ანაზღაურებს შფა.

10. მატჩის დელეგატი/კოორდინატორი

10.1. ჩემპიონატის მატჩების უკეთ ორგანიზებისა და მატჩის მონაწილეთა უსაფრთხოების დაცვის მიზნით, ჩემპიონატის მატჩებზე ინიშნება დელეგატი. დელეგატებს ნიშნავს შფა-ს საშეჯიბრო განყოფილება.

10.2. მატჩის დელეგატი პასუხისმგებელია მატჩის ორგანიზებასთან დაკავშირებული საკითხების კონტროლზე. იგი უსაფრთხოების საკითხებზე თანამშრომლობს საზოგადოებრივი წესრიგის დაცვის წარმომადგენლებთან, სტადიონის დირექტორთან ან სტადიონის პასუხისმგებელ პირთან. დელეგატი ვალდებულია აქტიური მონაწილეობა მიიღოს და გადაწყვიტოს მატჩის ჩატარებასთან დაკავშირებული ყველა საკითხი და ნებართვა გასცეს მატჩის ჩატარების შესახებ. დელეგატი ვალდებულია შეადგინოს ტექნიკური ოქმი, სადაც მითითებული იქნება მოთამაშეთა გაფრთხილების და მინდვრიდან გაძევების შემთხვევები, გატანილი გოლები, განხორციელებული ცვლილებები დროის მითითებით, მატჩის დროს მომხდარი საგანგებო შემთხვევები. ექსტრემალური სიტუაციის გამო მატჩის დაწყების ან დაწყებული მატჩის შეწყვეტის საკითხს წყვეტს მატჩის დელეგატი.

10.3. მატჩის დელეგატს მომსახურების თანხას უხდის შფა.

10.4. თითოეული მატჩის დასრულების შემდეგ, მატჩის დელეგატი ავსებს და ხელს აწერს მატჩის ოქმს.

11. სამედიცინო და უსაფრთხოების საკითხები

11.1. სასურველია თბილისის ჩემპიონატებში მონაწილე თითოეულ გუნდს ჰყავდეს ექიმი. ექიმის არ არსებობის შემთხვევაში დაზიანებულ მოთამაშეს პირველად დახმარებას აღმოუჩენს შფა-ს მიერ დაქირავებული კვალიფიციური ექიმი, ამასთან საჭიროების შემთხვევაში მატჩის დელეგატი/კოორდინატორი გამოიძახებს სასწრაფო სამედიცინო დახმარებას.

11.2. გუნდის წარმომადგენელი ვალდებულია გუნდის განაცხადში შეიყვანოს მოთამაშე, რომელსაც აქვს ჩემპიონატში მონაწილეობისთვის შესაბამისი ჯანმრთელობის მდგომარეობა და ფიზიკური მომზადება. ფეხბურთელების ჯანმრთელობის მდგომარეობაზე პასუხისმგებელია გუნდის ოფიციალური წარმომადგენელი.

11.3. თითოეული გუნდი და გუნდის გულშემატკივარი ვალდებულია მატჩის მსვლელობისას დაიცვას უსაფრთხოების წესები. არ ჩაერთოს და არ შეუწყოს ხელი არეულობასა და კონფლიქტს. წინააღმდეგ შემთხვევაში, დამრღვევი პირის ან/და გუნდის პასუხისმგებლობას განსაზღვრავს შფა-ს სადისციპლინო კომიტეტი სადისციპლინო კოდექსის შესაბამისად. იმ შემთხვევაში, თუ დარღვევა შეიცავს სისხლის ან ადმინისტრაციული სამართალდარღვევის ნიშნებს, საქმე გადაეცემა შესაბამის ორგანოებს.

11.4. მატჩების მიმდინარეობისას უსაფრთხოებას უზრუნველყოფს შფა. საჭიროების შემთხვევაში გამოძახებული იქნება საპატრულო პოლიცია.

12. დაჯილდოება

12.1. საპრიზო ფონდი

თბილისის ჩემპიონატის გამარჯვებული გუნდები მიიღებენ შემდეგი სახის პრიზებს

·       თბილისის betlive MASTER LEAGUE I ადგილი -  30000 - ლარი, რომელშიც შედის მოგების გადასახადი ( დამატებით გარდამავალი თასი და მედლები)

·       თბილისის betlive MASTER LEAGUE II ადგილი - სპორტული მაღაზიის ფულადი ვაუჩერი - 5000 ლარის ოდენობით ( დამატებით მედლები)

·       თბილისის betlive MASTER LEAGUE რეგულარული სეზონის გამარჯვებული - სპორტული მაღაზიის ფულადი ვაუჩერი - 5000 ლარის ოდენობით

·       თბილისის betlive MASTER LEAGUE 2-ის I ადგილი -  20000 - ლარი, რომელშიც შედის მოგების გადასახადი ( დამატებით გარდამავალი თასი და მედლები)

·       თბილისის betlive MASTER LEAGUE 2-ის II ადგილი - სპორტული მაღაზიის ფულადი ვაუჩერი - 4500 ლარის ოდენობით ( დამატებით მედლები)

·       თბილისის betlive MASTER LEAGUE 2-ის რეგულარული სეზონის გამარჯვებული - სპორტული მაღაზიის ფულადი ვაუჩერი - 4500 ლარის ოდენობით.

·       თბილისის betlive MASTER LEAGUE 3-ის I ადგილი -  15000 - ლარი, რომელშიც შედის მოგების გადასახადი ( დამატებით გარდამავალი თასი და მედლები)

·       თბილისის betlive MASTER LEAGUE 3-ის II ადგილი - სპორტული მაღაზიის ფულადი ვაუჩერი - 4000 ლარის ოდენობით ( დამატებით მედლები) 

·       თბილისის betlive MASTER LEAGUE 3-ის რეგულარული სეზონის საუკეთესო გუნდი - სპორტული მაღაზიის ფულადი ვაუჩერი - 4000 ლარის ოდენობით. 

შენიშვნა: მე-3 ლიგის საუკეთესო გუნდი გამოვლინდება ნაჩვენები შედეგის მიხედვით, თუ რამოდენიმე გუნდს დაუგროვდა ერთნაირი ქულა საუკეთესო გუნდი გამოვლინდება დებულებით განსაზღვრული პრიორიტეტების მიხედვით.

·       თბილისის მერიის თასის I ადგილი - 15000 -ლარი, რომელშიც შედის მოგების გადასახადი  (დამატებით გარდამავალი თასი და მედლები)

·       თბილისის მერიის თასის II ადგილი - სპორტული მაღაზიის ფულადი ვაუჩერი - 5000 ლარის ოდენობით (დამატებით მედლები) 

12.2 დასავლეთ და აღმოსავლეთ betlive MASTER LEAGUE-ის გამარჯვებული გუნდები მიიღებენ ფულად ჯილდოს 4000 ლარის ოდენობით, მოგების გადასახადის ჩათვლით, ხოლო მე-2 ადგილზე გასული გუნდები 2000 ლარის ოდენობით, მოგების გადასახადის ჩათვლით.

12.3.  საქართველოს MASTER CUP  გამარჯვებული გუნდები მიიღებენ შემდეგი სახის პრიზებს

·       საქართველოს MASTER CUP I ადგილი 15000- ლარი;

&12.4. ჩემპიონატების დასრულების შემდეგ, გამოვლინდება საუკეთესო მწვრთნელი/მენეჯერი, ფეხბურთელი, მეკარე, მცველი, საუკეთესო უნივერსალი, ბომბარდირი, საუკეთესო ნახევარმცველი და საუკეთესო თავდამსხმელი რომლებსაც გადაეცემათ ინდივიდუალური პრიზები, ამასთან გამოვლინდებიან საუკეთესო მსაჯები, რომლებიც მიიღებენ შესაბამის ინდივიდუალურ პრიზს.