თბილისის betlive მასტერ ლიგა 3-ის „ბ“ ჯგუფში მოვლენები საინტერესოდ ვითარდება:
აჭარა ჯგუფი ჩვეულებრივად შეტევის ზღვარზე ცხოვრობს. გუნდი 25 გოლით ყველაზე შედეგიანია, რაც ნიშნავს, რომ მოედანი მათთვის სივრცე კი არა, დარტყმის ზონა ხდება. 8 გაშვებული გოლი მიუთითებს, რომ ყველა ძალა შეტევაში აქვთ გადატანილი – მეტოქეს უთმენენ, მაგრამ მერე ტალღასავით ახვევენ თავზე.
ნიუ ვორდი გუნდია, რომელიც ხმაურით არ თამაშობს – შედეგით საუბრობს. 23 გოლი შეტევაში ნიშნავს, რომ ტაქტიკურად მრავალფეროვანი და სწრაფად გადართვადი გუნდია, თუმცა დაცვაში 12 გაშვებული ცხადყოფს, რომ ამ გუნდმა უკან თამაშზე ყურადღების გამახვილება უნდა ისწავლოს. ფაქტია, რომ ისინი შეეცდებიან "ახალი სიტყვა" თქვან მიმდინარე სეზონში.
თბილისი იუნაიტედი თამაშობს როგორც თბილისის ქუჩები – ხან გაუმართავად, ხან ელვის სისწრაფით, მაგრამ ყოველთვის წინ. დაცვაში 14 გაშვებული ბურთი აშკარად შესამჩნევია, თუმცა შეტევა კომპენსირებს. ეს გუნდი ესთეტიკაზე უფრო თამაშობს ვიდრე შედეგზე.
მოედანზე, ინფრასტრუქტურის სამინისტროს სახელიც და სტილიც ემთხვევა – ინფრასტრუქტურა სტრუქტურულად თამაშობს. მათ არა აქვთ ზედმეტი მოძრაობა, აქვთ დისციპლინა და გადანაწილებული ფუნქციები. შეტევაში უფრო გაწონასწორებულები არიან, დაცვაში კი ელიან დაკონკრეტებულ მითითებებს "ზემოდან".
ჯი თი დი ეფ შედეგიანი გუნდია, მაგრამ დაცვა აშკარად პრობლემური. 22 გაშვებული ბურთით მხოლოდ სნეპს ჩამორჩება. ეს გუნდი ჰგავს იმ კორპორაციას, რომელიც ბევრს აწარმოებს, მაგრამ ხარჯავს ორმაგს. მიუხედავად ამისა, ქულების მაჩვენებელი მეტყველებს, რომ ისინი საჩემპიონო შვიდეულისათვის სერიოზულად იბრძოლებენ.
“ბ” ჯგუფის გამოკვეთილი აუტსაიდერი საქართველოს ადვოკატთა ასოციაცია 2 არის. თუ ადვოკატთა ასოციაცია (1) მეორე ლიგაში ძლიერ და დისციპლინირებულ მოთამაშედ გვევლინება, მათ მეორე გუნდს ისეთი დასაწყისი აქვს, თითქოს საქმის მასალები ჯერ არ წაუკითხავს. იმედია საქმის მასალების ასლები 4 ტურის თავზე ჩაბარდათ და შემდეგი ტურიდან უკვე მომზადებული და გაწერილი სტრატეგიით დაბრუნდებიან.
საბოლოოდ, ოთხი ტურის შემდეგ, “ბ” ჯგუფის თითოეული გუნდი ინარჩუნებს საჩემპიონო შვიდეულში მოხვედრის შანსს.