პირველად, ა(ა)იპ სოკა ჯორჯია ფეხბურთის, ა(ა)იპ 7x7 ფეხბურთის ასოციაციისა და International socca federation-ს შორის გაფორმებული მემორანდუმის შესაბამისად, საქართველოში, 11-15 სექტემბერს, 7x7 ფეხბურთის საერთაშორისო საკლუბო ჩემპიონატი, Socca Grand Prix 7 გაიმართა, რომელშიც 14 ქვეყნის 16 საუკეთესო გუნდმა მიიღო მონაწილეობა. ჩემპიონატს საქართველოს დედაქალაქმა უმასპინძლა და ყველა თამაში თბილისში, მზიურის პარკში არსებულ მასტერ ლიგა არენაზე გაიმართა. აღსანიშნავია, რომ ეს იყო პირველი საერთაშორისო ჩემპიონატი ISF-ის ჩართულობით, რომელიც გაიმართა 7-7-ზე ფორმატით.
ჩემპიონატში მონაწილე გუნდები იყვნენ შემდეგი ქვეყნებიდან: 1. საქართველო 2. ამერიკის შეერთებული შტატები 3. ესპანეთი 4.პორტუგალია 5. მოლდოვა 6.კვიპროსი 7. საბერძნეთი 8. ხორვატია 9.უკრაინა 10. თურქეთი 11.ეგვიპტე 12. ბელგია 13. ომანი
საერთაშორისო საკლუბო ჩემპიონატის Socca Gran Prix 7-ის ფინალი 15 სექტემბერს გაიმართა, სადაც ერთმანეთს ქართული გუნდი „რევაინი“ და უკრაინული გუნდი „MC SARMAT“ დაუპირისპირდნენ.
ფინალური მატჩის ძირითადი დრო ფრედ 1:1 დასრულდა და გამარჯვებული ბულიტების სერიაში გამოვლინდა. „MC SARMAT” Socca Gran Prix 7-ის პირველი გამარჯვებული გახდა.
ჩემპიონატის საპრიზო ადგილები და ჯილდო შემდეგნაირად გადანაწილდა:
I ადგილი: MC SARMAT (უკრაინა) – 10 000 ევრო
II ადგილი: რევაინი (საქართველო) – 5 000 ევრო
III ადგილი: ALHARA (ომანი) – 3 000 ევრო
IV ადგილი: ბეთლაივი (საქართველო) – 2 000 ევრო
ფინალის დასრულების შემდეგ დაჯილდოების ცერემონია გაიმართა, სადაც ჩემპიონატის საუკეთესო ფეხბურთელები გამოვლინდნენ:
საუკეთესო მეკარე: სვიატოსლავ მარკანიჩ (MC SARMAT, უკრაინა)
საუკეთესო მცველი: ბექა რაზმაძე (რევაინი, საქართველო)
უნივერსალი ფეხბურთელი: მოატასიმ აშამსი (ALHARA, ომანი)
საუკეთესო ასისტენტი: ირაკლი კლიმიაშვილი (ბეთლაივი, საქართველო)
საუკეთესო ბომბარდირი: ვინსენე ტომა (SPORTING CARPATHIANS, ბელგია)
საუკეთესო მენეჯერი: ალექსანდ კოლესნიკოვ (MC SARMAT, უკრაინა)
Fair Play: ალექსანდ კოლესნიკოვ (MC SARMAT, უკრაინა)
საუკეთესო ფეხბურთელი: სვიატოსლავ მარკანიჩ (MC SARMAT, უკრაინა)
დაჯილდოების ცერემონიაში მონაწილეობას იღებდნენ და გამარჯვებულებს პრიზები გადასცეს გიორგი კალანდაძემ (ქართული ფეხბურთის განვითარების ფონდის ხელმძღვანელი), აკაკი ალადაშვილმა (საქართველოს ფეხბურთის ფედერაციის ვიცე პრეზიდენტი), თემო კოპალეიშვილმა (ბეთლაივის გენერალური დირექტორი), ლევან ცქიტიშვილმა (საქართველოს ფუტსალის ფედერაციის პრეზიდენტი და ჩემპიონატის პარტნიორი ბენე ჯგუფის დამფუძნებელი), ტანოს პაპადოპულოსმა (INTERNATIONAL SOCCA FEDERATION -ის აღმასრულებელი დირექტორი), ლაშა ჩალაძემ (სოკა ჯორჯია ფეხბურთის დირექტორი და 7X7 ფეხბურთის ასოციაციის დამფუძნებელი), აკაკი ხლაბუსტოვმა (7X7 ფეხბურთის ასოციაციის პრეზიდენტი და სოკა ჯორჯია ფეხბურთის დამფუძნებელი).
საერთაშორისო საკლუბო ჩემპიონატი Socca Grand Prix 7 წარმოადგენს International Socca Federation-ის (ISF) და Socca Georgia Football-ის ერთობლივ პროექტს, რომელშიც მემორანდუმის ფარგლებში, როგორც ადგილობრივი ორგანიზატორი ჩართულია ა(ა)იპ 7x7 ფეხბურთის ასოციაცია და საქართველო აღნიშნულ ტურნირს კიდევ 2 წლის განმავლობაში უმასპიძლებს.
ჩემპიონატის მხარდამჭერები არიან ქალაქ თბილისის მუნიციპალიტეტის მერიია, ქართული ფეხბურთის განვითარების ფონდი, საქართველოს ფეხბურთის ფედერაცია და ბეთლაივი.